Novembro 5, 2009
· Gardado en 17. Novas
![Cartaz doc[1]. Monte do Seixo](http://chichisos.files.wordpress.com/2009/11/cartaz-doc1-monte-do-seixo.jpg?w=469&h=664 "Cartaz doc[1]. Monte do Seixo")
O Grupo de Estudos Etnográficos Serpe Bichoca estreará o documental Monte do Seixo. A Montaña Máxica no Teatro principal de Pontevedra o vindeiro sábado ás 19.30h.
O documental é un percorrido polo patrimonio inmaterial e material do Monte do Seixo, unha viaxe polas súas estacións míticas e unha denuncia da destrucción e o inpacto cultural e paisaístico que supuxo a construcción do parque eólico do cando.
Na banda sonora do filme os Chichisos interpretan o tema principal, unha foliada que leva por nome A Montaña Máxica, foi composto para a ocasión polo gaiteiro do grupo Rafael Quintía. Asemade, a banda sonora foi composta por Rafael Quinía e Joâo Bieites, membros dos Chichisos e contou tamén coa colaboración de dous temas achegados por Paco Sutil.
FICHA ARTÍSTICA
DIRECCIÓN: João Bieites, Rafael Quintía e Calros Solla
GUIONISTA: Calros Solla
PRODUCIÓN: Grupo de Estudos Etnográficos SERPE BICHOCA
FICHA TÉCNICA
PRODUTORA: Grupo de Estudos Etnográficos SERPE BICHOCA
TÍTULO ORIXINAL: “MONTE DO SEIXO. A Montaña Máxica”
TIPO: Documental
XÉNERO: Etnográfico e social
ANO: 2009
DURACIÓN: 125 minutos aprox.
ORIXE: Galiza
IDIOMA V. O.: Galego
Novembro 3, 2009
· Gardado en 17. Novas
MAGOSTO NA RESIDENCIA DE ANCIANOS “ VIRGEN DEL CAMINO “ DE PONTEVEDRA LOUREIRO CRESPO,34
- TLFNO 986 852151
MAGOSTO PARA TÓDOLOS RESIDENTES
MARTES 3 DE NOVENBRO ÁS 17,30 H
COA ACTUACIÓN DO GRUPO DE GAITEIROS “ OS CHICHISOS”
Outubro 29, 2009
· Gardado en 17. Novas
QUEDAN DOUS DÍAS PARA QUE SE ABRAN AS PORTAS DO ALÉN.
Outubro 28, 2009
· Gardado en 17. Novas
Ven connosco celebrar esta noite máxica
e goza das actividades que temos preparados!!
Outubro 19, 2009
· Gardado en 17. Novas
Os Chichisos colaboran coa Asociación de escritores en lingua galega (AELG) na organización desta nova edición de POLAFÍA, que se celebrará o sábado 24 de outubro na Casa da cultura de Figueirido.
Vinde escoita-los contos, as lendas, as historias e as cantigas de sémpre na voz dos nosos maiores. Agardámosvos a todos!!
Agosto 27, 2009
· Gardado en 06. Actividades didácticas, 17. Novas
CAMPÁS e CAMPANEIROS
19 de Setembro do 2009
IGREXA PARROQUIAL DE PAZOS DE BORBEN - PONTEVEDRA
ACTIVIDADES:
- 17.00 h repique de Campás, chamamento aos participantes pro inicio das actividades
Presentación do libro “CAMPAS E CAMPANEIROS” por parte do seu autor o Etnógrafo Xerardo Dasairas.
- 17.30 h . DEMOSTRACIÓN DOS DIFERENTES SINAIS E TOQUES de campás por Lino Míguez e Andrés Ferreira, campaneiros de Pazos de Borbén.
- 18.00 h “Campanario aberto PRA CAMPANEIROS”, repiques de diferentes zonas e lugares.
- 18.30 h “Campanario aberto PROS ASISTENTES, prácticas coas campás.
- 19.30 h ACTUACIÓN do grupo de música tradicional Os Chichisos.
- Todos os toques e sinais serán gravados polo colectivo ESCOITAR
- Colabora D. Jaime, párroco de Pazos de Borbén
ACTIVIDADES ABERTAS A TÓDOLOS PÚBLICOS
+ INFORNACIÓN: 676.842.942
ORGANIZAN: Os Chichisos
[chichisos.wordpress.com ]
Agosto 27, 2009
· Gardado en 07. Compromiso social
17 de agosto de 2009
Ana Rosalía Rodríguez Lorenzo, secretaria da Asociación Cultural Os Chichisos, con enderezo en Rúa Riestra 6 4º B, 36001 Pontevedra, con CIF G36555191, e inscrita no Rexistro de asociacións da Consellería da Presidencia, Administracións Públicas e Xustiza co número2007/010692-1.
Membros de Os Chichisos acudimos o pasado 8 de agosto á lectura do pregón que marca o inicio das festas da Peregrina, onde puidemos observar como unha deficiente calidade de son non deixou disfrutar do excelente pregón de Fina Casalderrey, mais o realmente grave, ao noso entender, ocorreu cando a continuación se desenrolan unha serie de actividades invasoras da nosa cultura, tales como “o chupinazo”, e a interpretación, por parte da charanga que alí se atopaba, dos temas “Desde Santurce a Bilbao”, “Uno de enero, dos de febrero…”, etc, todo elo animado por grupos de “peñas” alí congregados, contribuíndo así á “enSANFERMINzación” das Festas de Pontevedra.
Por todo elo dende Os Chichisos, solicitamos que en vindeiros anos se tome en consideración o seguinte:
- A supresión do “chupinazo”, xa que é un elemento introducido fai pouco e que non ten nada que ver coas festas desta cidade.
- Que se escolla entre as ducias de temas compostos en Pontevedra e para Pontevedra, para que se converta e institucionalice o seu son no inicio da nosa Festa, para que Pontevedra teña son de seu.
Por uns novos “Aires de festa en Pontevedra”
Ana Rosalía Rodríguez Lorenzo
Secretaria de Os Chichisos
Agosto 23, 2009
· Gardado en 17. Novas
Agosto 12, 2009
· Gardado en 17. Novas
Os Chichisos veñen de participar na grabación da banda sonora do documental MONTE DO SEIXO. A MONTAÑA MÁXICA, producido e realizado polo Grupo de Estudos Etnográficos Serpe Bichoca. Neste traballo documentario, que se extreará antes de final de ano, Os Chichisos interpretan o tema principal do filme, titulado A Montaña Máxica, foliada composta para a ocasión polo seu gaiteiro Rafa Quintía. A dita composición pódese escoitar no trailer que anuncia o documental.
O Grupo de Estudos Etnográficos SERPE BICHOCA convídaos ao visionado dun adianto do seu documental sobre o monte do Seixo que, xa en breve, percorrerá as máis importantes salas do país (e boa parte do universo coñecido):
http://www.youtube.com/watch?v=nYZ5OB2oO40
. .
.
GRAZAS POLA SÚA ATENCIÓN
SALVEMOS O SEIXO!!
Agosto 7, 2009
· Gardado en 10. As nosas composicións
A grandiosidade da grande pedrafita do Seixo a ritmo da marcha composta por Rafa Quintía.
