Os Chichisos Weblog

O LIBRO “PARA CANTAR VEÑO EU!” NO FARO DE VIGO

chichisos — Thu, 26 Jan 2012 22:15:43 +0000

FARO DE VIGO. (Xoves 26 de xaneiro de 2012)

O LIBRO “PARA CANTAR VEÑO EU!” EN RADIOFUSIÓN (Audio entrevista con Rafael Quintía)

chichisos — Thu, 26 Jan 2012 22:13:15 +0000

ARTIGO SOBRE A PRESENTACIÓN DO LIBRO E AUDIO DA ENTREVISTA:
"PARA CANTAR VEÑO EU!" en Radiofusión

AUDIO DA ENTREVISTA EN RADIOFUSIÓN

Presentación do libro de Rafael Quintía “PARA CANTAR VEÑO EU. Unha viaxe pola cultura musical galega da man dos Chichisos”

chichisos — Tue, 24 Jan 2012 20:50:13 +0000

ATENEO DE PONTEVEDRA
aprácese en convidalo/a á presentación do libro:

“PARA CANTAR VEÑO EU!
UNHA VIAXE POLA CULTURA MUSICAL GALEGA DA MAN DOS CHICHISOS”

De Rafael Quintía Pereira
(Licenciado en Antropoloxía Social e Cultural, licenciado en Ciencias Empresariais e músico)

O acto, que contará coa participación de Rosalía Rodríguez (secretaria da Asociación Cultural Os Chichisos), Paz Castro (xornalista e responsable de comunicación da Sociedade Antropolóxica Galega) e Rafael Quintía Pereira, terá lugar o vindeiro venres, 27 de xaneiro, ás 20 horas, na Galería Sargadelos de Pontevedra (rúa da Oliva, 24)

REPORTAXE NA TVG: CONCERTO DIDÁCTICO DOS CHICHISOS SOBRE INSTRUMENTOS TRADICIONAIS.

chichisos — Wed, 18 Jan 2012 20:00:34 +0000

Reportaxe emitido pola TVG co gallo da charla e concerto didáctico sobre ritmos e instrumentos tradicionais galegos impartida no CEIP Cabanas de Pontevedra. Imparte o curso: Toño Vázquez, Rafa Quintía e Francisco Sutil. Data: 27 de novembro do 2006.

ACTUACIÓN NO FURANCHO DE PACO. SAN MARTIÑO DE SALCEDO

chichisos — Wed, 18 Jan 2012 19:38:22 +0000

Outro video reliquia. Unha noite de festa no furancho de Paco, en San Martiño de Salcedo. Pontevedra. Data: 13 de xaneiro de 2007

OS CHICHISOS NO MAGOSTO DA BOLA, OURENSE.

chichisos — Wed, 18 Jan 2012 19:12:25 +0000

Un vello video recuperado dos arquivos dos Chichisos. Unha marabillosa velada que pasamos celebrando o magosto cos veciños de A Bola, en Ourense. Alí aínda se senten e se celebran os magostos como antano.

PUBLÍCASE “PARA CANTAR VEÑO EU! UNHA VIAXE POLA CULTURA MUSICAL GALEGA DA MAN DOS CHICHISOS”

chichisos — Sun, 08 Jan 2012 12:12:42 +0000

Como este ano fumos bos e cantamos os Reis moi ben, as súas Maxestades de Oriente trouxéronnos como agasallo a publicación deste novo traballo do compañeiro Rafael Quintía. Manterémosvos informados sobre a data de presentación oficial do libro, mentres tanto xa está dispoñible para a súa adquisición a través do noso blog.

PARA CANTAR VEÑO EU! Unha viaxe pola cultura musical galega da man dos Chichisos

Empregando como fío condutor o labor que a asociación cultural e grupo de música tradicional Os Chichisos leva a cabo dende hai case dúas décadas, o autor ofrécenos nesta obra un compendio de apuntamentos etnográficos sinxelos e concisos en torno ó universo da música popular galega e das súas diferentes expresións e manifestacións. Un percorrido polos instrumentos tradicionais, os ritmos e os bailes, as festas do ciclo do ano e as tradicións musicais a elas asociadas, a ancestral linguaxe das campás, os cantos de berce e moitas outras dimensións do noso folclore que irán desfilando polas páxinas deste libro para achegarlle á xente nova e ó neófito do noso folclore o rico e variado tesouro da música tradicional galega. “Para cantar veño eu” complétase cunha amena unidade didáctica que inclúe os exercicios e as prácticas necesarias para que a xente máis nova practique, comprenda e asimile os diferentes contidos deste traballo. Para cantar veño eu! é unha obra de Rafael Quintía, antropólogo, economista e membro fundador da Sociedade Antropolóxica Galega.

Datos técnicos:

Autor:Rafael Quintía Pereira

Editorial:Sociedade Antropolóxica Galega e A.C. Os Chichisos

Impresión:branco e negro

Tamaño:23×16

274 páxinas

I.S.B.N. 978-84-615-4507-0

PVP: 18 €

CANTOS DE REIS 2012. APROVEITA ANTES DE QUE SE ACABE O MUNDO.

chichisos — Tue, 27 Dec 2011 16:20:08 +0000

Un ano máis (e xa van 12) o grupo Os Chichisos acompañados de diversos instrumentos como acordeón, gaita, frauta traveseira, guitarra, tamboril, bombo, charrasco, pandeireta e pandeiro, etc., e un grupo de nenos e nenas, xuntámonos pra levar os “Cantos de Reis”, polo concello de Pontevedra.

PROGRAMA:

Días de ensaio : 27,28, 29 e 30 de decembro e 2 e 3 de xaneiro na casa do pobo de Bértola – Vilaboa ás 20:00 h

4 de xaneiro polas prazas e rúas de Pontevedra, actuación de Os Chichisos. Sairemos ás 19.00 h da praza da Liberdade. Actuación incluída dentro do Programa de Actividades de Nadal do Concello de Pontevedra.

Para saber máis sobre este tema teléfonos:

649 748 708 Rosalía (Os Chichisos)

CHARLA SOBRE OS CANTOS DE REIS A CARDO DOS CHICHISOS. Venres 23 ás 19h na Csa da Cultura de Riomaior. Vilaboa

chichisos — Thu, 22 Dec 2011 21:48:09 +0000

OS CHICHISOS NO FESTIVAL BENÉFICO DE REXURDIR PROVINCIAL.

chichisos — Thu, 15 Dec 2011 16:36:29 +0000

O venres 16 ás 20.30h celébrarase no Teatro Principal de Pontevedra os festival benéfico que organiza a asociación de axuda ó toxicómano REXURDIR PROVINCIAL. Os Chichisos estaremos alí coa nosa música e agardamos que todos os que poidades asistir ó solidario festival o fagades.

Algunhas fotos da nosa actuación: