Hai xa 21 anos os Chichisos comenzabamos o noso proxectos de recuperación dos cantares de Reis na vila de Pontevedra. Este nadal, tras o parón obrigado da Covid no 2020, regresamos ás rúas e prazas da Boa Vila cos noso bando de cativos reiseiros e músicos para seguir mantendo aceso o lume desta fermosa tradición. Como di o tango, vinte anos non é nada. A por outros vinte.
A Asociación Cultural Os Chichisos, unha vez esgotada a 1ª edición do libro “A LINGUAXE DAS CAMPÁS. Etnografía dos sinos”, ante a demanda deste traballo sacamos a 2º edición.
Este traballo supón un breve achegamento ao mundo dos sinos, á súa orixe, tipoloxías, aos seus usos e funcións. Pero, ademais, contén os resultados da recollida de campo levada a cabo polos membros dos Chichisos dende o ano 2007, momento no que naceron as xornadas “Días de campás e campaneiros”. Este evento anual, que organizamos dende os Chichisos, ten a intención de dar a coñecer a ancestral linguaxe das campás e de pór o noso gran de area na difusión e conservación deste valioso xeito de comunicación -auténtico tesouro do noso patrimonio cultural- e do oficio de campaneiro, hoxe, por desgraza, en serio perigo de desaparición.
Para máis formación ou adquirir un exemplar poden contactar con nos no email: chichisos@yahoo.es
Achegamos un vídeo dos Chichisos interpretando un dos temas da súa actuación na Foliada do Demo de 2021. Iterpretan o tema “Pasodobre para Saínza”, composto polo compañeiro Rafael Quintía.
Hoxe faría 20 anos que recuperamos e facemos os cantares de Reis en Pontevedra. Este ano, pola situación sanitaria da pandemia, non puidemos acudir á nosa cita anual con esta tradición. Agardamos que o vindeiro nadal poidamos volver saír cantar os Reis polas rúas e prazas de Pontevedra. Saúde e forza.
Para compensar, deixamos aquí a nosa peza audiovisual “Noite de Reis cos Chichisos”. Bo Nadal e Feliz ano novo a todos e a todas!
Como cada ano, Os Chichisos acoidomos á cita coa recuperacón dos tradicionais Cantos de Reis para levalos ás rúas e prazas de Pontevedra. Onte xoves 26 comezamos os ensaios co noso grupo de nenos e nenas reiseiros. Os días 4 e 11 sairemos por Pontevedra.
Deixámosvos unha pequena mostra da Foliada do Demo deste ano. Graciñas ao grupo Os Sentenarios, a Irma, Ana, Miguel e Adrián polos bailes, a Ángeles a rosquilleira, á Concellaría de Festas do Concello de Pontevedra e a tódalas persoas que participastes.
Un ano máis volvemos coa Foliada do demo. Desta volta acompañados do grupo Os Sentenario. Queremos dar publicamente as grazas á Concellaría de Festas do Concello de Pontevedra por seguir apostando por este proxecto, e a tódalas persoas que participastes nel. Saudiña e…ata outra!!
Compartimos o magnífico traballo de Xoán-Xil López de documentación sonora da linguaxe das campás..
Os Chichisos seguiremos organizando as “Xornadas de Campás e Campaneiros”, e traballando para poñer en valor este valioso patrimonio cultural en perigo de desaparecer.
Graciñas a todas as persoas que colaborades neste proyecto.
https://m.facebook.com/story.php?story_fbid=1841449236001837&id=316936048453171
Os Chichisos 